Дана Уайт катта бойликнинг жангчилар руҳига таъсирини очиқ айтди

UFC оламида молиявий муваффақият ҳар доим ҳам рингдаги куч билан бир хил тарозида ўлчанмайди. Бу ҳақда ташкилот президенти Дана Уайт навбатдаги интервьюсида кескин фикр билдирди. Унинг таъкидлашича, катта пул ва беқиёс шуҳрат баъзи жангчиларнинг иштиёқини сўндириб қўяди.

Уайтнинг сўзларига кўра, кўплаб юлдузлар рекорд мукофотлар ва йирик тўловларга эришганидан кейин аввалги “очлик”, яъни ғалаба учун курашишдаги максимал руҳий тайёргарликни йўқотади.

«Пул жуда кўп нарсани ўзгартириб юборади. Миллионлаб даромад топилганидан кейин айримлар аввалги мотивациясини тиклаб бўлмайди. Конор Макгрегор бунга энг очиқ мисол. У жуда катта бойликка эришди ва аввалидай ташналик билан жанг қилмай қўйди. Лекин Хабиб Нурмагомедов бундан мустасно — у улкан маблағ ишлаб топган бўлса-да, ўзини йўқотмади, тамойилларидан чекинмади. Бу мени жуда хурсанд қилади», — деди Уайт.

АҚШ ва Европа оммавий ахборот воситалари келтирган маълумотларга кўра, Конор Макгрегорнинг ҳозирги бойлиги тахминан 200 миллион доллар атрофида. Бу сумма нафақат жанглари, балки бизнес лойиҳалари орқали ҳам шаклланган.

Шу билан бирга, UFC муҳитида доимий савол мавжуд: катта пул жангчиларни кучайтираяптими ёки аксинча, тезда руҳдан тушириб қўйяптими?

Уайтнинг фикрига кўра, бу ҳар бир спортчининг шахсий иродасига боғлиқ. Аслида, катта мукофотлар ва тижорат шартномалари спортни янги босқичга олиб чиқса-да, ҳақиқий жангчи ғалаба учун “ичкаридан ёнувчи” истакни йўқотмаслиги керак.

ММА мухлислари эса бу мавзуда иккига бўлиниб фикр билдирмоқда: айримлар катта даромад — ҳар бир чемпионнинг ҳаққи деса, бошқалар рингдаги иштиёқ пулдан устун туриши кераклигини таъкидламоқда.

Бир нарса аниқ: ММА оламида катта пул ҳам, йирик таланти бор жангчи ҳам барча нарсадан устун эмас — асосийси таслим бўлмас руҳ ва ўз устида ишлашда давом этишдир.