ПСЖ футболчиси Дезире Дуэ қанча муддат сафдан чиққан?

ПСЖ ҳужумкор ярим ҳимоячиси Дезире Дуэ "Лорьян"га қарши ўйинда жароҳат олди. Лига 1 гранди 20 ёшли футболчининг жароҳати ҳақида маълумот берди, бироқ унинг майдонга қайтиш муддати ҳақида ҳеч нарса демади.

Журналист Фабрис Хокинснинг ижтимоий тармоқларда ёзишича, ПСЖ Дезире Дуэнинг йил охиригача ёки энг кечи билан январ ойида сафга қайтишига умид қилмоқда.

Айни пайтда ПСЖ Франция чемпионатига етакчилик қилмоқда, бироқ Луис Энрике жамоаси "Лорьян"ни мағлуб эта олмади (1:1 ҳисобидаги дуранг).

Дезире Дуэ ПСЖ сафига 2024 йилнинг ёзида қўшилган эди. Шу пайтгача у 69 ўйинда майдонга тушиб, 19 та гол урган ва 19 та голли узатмани амалга оширган.