Global Soccer Awards. Ռոնալդուն հավակնում է Մերձավոր Արևելքի լավագույն խաղացողի կոչմանը
«Ալ Նասրի» հարձակվող Կրիշտիանու Ռոնալդուն առաջադրվել է 2024 թվականի Globe Soccer Awards մրցանակաբաշխության «Մերձավոր Արևելքի լավագույն խաղացող» անվանակարգում։
Ամբողջական ցուցակը հետևյալն է՝ Սալեմ Ալ-Դավսարի («Ալ-Հիլալ»), Մուրադ Բաթնա («Ալ-Ֆաթեհ»), Կակու («Ալ-Այն»), Ռիյադ Մահրեզ («Ալ-Ահլի»), Սերգեյ Միլինկովիչ-Սավիչ («Ալ-Հիլալ»), Սուֆյան Ռահիմի («Ալ-Այն») և Կրիշտիանու Ռոնալդու («Ալ-Նասր»):
Նշենք, որ Կրիշտիանու Ռոնալդուն անցած տարեվերջին ճանաչվել է Մերձավոր Արևելքի լավագույն խաղացող։ Պորտուգալացին «Ալ-Նասրում» հանդես է գալիս 2023 թվականի ձմռանից։ Նա նախկինում հանդես է եկել «Մանչեսթեր Յունայթեդում», «Յուվենտուսում», «Ռեալում» և «Սպորտինգում»: