Մեքսիկայի հավաքականի լեգենդն ավարտեց միջազգային կարիերան

Մեքսիկայի հավաքականի կիսապաշտպան և ավագ Անդրես Գուարդադոն ավարտել է իր կարիերան ազգային հավաքականում։

Ազգային հավաքականի կազմում 38-ամյա ֆուտբոլիստի հրաժեշտի հանդիպումն ընկերական խաղն էր ԱՄՆ-ի ընտրանու դեմ, որում մեքսիկացիները հաղթեցին 2-0 հաշվով։

Հանդիպումը Գուարդադոյի 182-րդն էր ազգային հավաքականի կազմում, և նա այս ցուցանիշով Մեքսիկայի հավաքականի ռեկորդակիրն է։

Կիսապաշտպանը մասնակցել է Աշխարհի 5 առաջնության։