Գրիզմանը հայտարարել է միջազգային կարիերան ավարտելու մասին

Մադրիդի «Ատլետիկոյի» և Ֆրանսիայի հավաքականի հարձակվող Անտուան Գրիզմանը որոշել է ավարտել կարիերան ազգային թիմում։

«Հիշողություններով լի սրտով ես փակում եմ իմ կյանքի այս էջը: Շնորհակալություն այս հրաշալի արկածի համար»,- գրել է Գրիզմանը իր սոցիալական ցանցերում։

Գրիզմանը Ֆրանսիայի հավաքականում անցկացրած 137 խաղում խփել է 44 գոլ։

Նա ազգային հավաքականի հետ 2018 թվականին հաղթել է Աշխարհի առաջնությունը, իսկ 2020/21 մրցաշրջանում՝ Ազգերի լիգան։