Զիդանը լեզվական արգելքի պատճառով պատրաստ չէ գլխավորել անգլիական թոփ ակումբը
Մադրիդի «Ռեալի» նախկին գլխավոր մարզիչ Զինեդին Զիդանը պատասխանել է «Մանչեսթեր Յունայթեդը» գլխավորելու մասին հարցին։
«Կցանկանա՞մ գլխավորել «Մանչեսթեր Յունայթեդը»։ Ես հասկանում եմ անգլերեն, բայց ես ամբողջությամբ չեմ տիրապետում այդ լեզվին: Գիտեմ, որ կան մարզիչներ, որոնք գալիս են ակումբներ՝ չիմանալով ազգային լեզուն։ Բայց ես աշխատում եմ այլ սկզբունքներով։ Հաղթանակներն ունեն բազմաթիվ բաղադրիչներ և ունեն շատ գլոբալ ենթատեքստ։ Այնպես որ, ես գիտեմ, թե ինչ է ինձ պետք հաղթելու համար»,- ասել է Զիդանը L’Equipe-ին տված հարցազրույցում։
Նախկինում լրատվամիջոցները ֆրանսիացի մասնագետին համարում էին Էրիկ տեն Հագին «Կարմիր սատանաների» ղեկին հավանական փոխարինողներից մեկը։ Զիդանը խոստովանել է, որ լեզվական արգելքի պատճառով պատրաստ չէ գլխավորել թիմը։