Մադրիդի «Ռեալը» դիմել է Ռոնալդուին՝ կարիերայի 900-րդ գոլից հետո
Մադրիդի «Ռեալը» դիմել է պորտուգալացի հարձակվող Կրիշտիանու Ռոնալդուին, որը դարձել է պատմության մեջ առաջին ֆուտբոլիստը, ով պաշտոնական խաղերում խփել է 900 գոլ։
«Պատմական իրադարձություն. 900 գոլ Մադրիդի «Ռեալի» և համաշխարհային ֆուտբոլի մեծագույն լեգենդներից մեկի պրոֆեսիոնալ կարիերայում: Շնորհավորում ենք մեր շատ սիրելի Կրիշտիանու:
«Ռեալ Մադրիդը» և նրա երկրպագուները միշտ հպարտ կլինեն քեզնով»,-ասվում է «Ռեալի» հայտարարության մեջ:
Նշենք, որ Ռոնալդուն ֆուտբոլի, ազգային հավաքականների, Եվրոպայի առաջնության, Չեմպիոնների լիգայի և աշխարհի ակումբային առաջնության պատմության լավագույն ռմբարկուն է։
Պորտուգալացի հարձակվողը Մադրիդի «Ռեալում» հանդես է եկել 2009-ից 2018 թվականներին և անցկացրած 438 խաղում դարձել է 450 գոլի և 131 գոլային փոխանցման հեղինակ։