Վեսթ Հեմը և Լիվերպուլը չպարզեցին հաղթողին

Անգլիայի Պրեմիեր լիգայի 35-րդ տուրի խաղում «Լիվերպուլը» ոչ-ոքի խաղաց «Վեսթ Հեմի» հետ՝ 2-2։

Հանդիպման հաշիվը 43-րդ րոպեին բացել է լոնդոնցիների վինգեր Ջարոդ Բոուենը։ Մերսիսայդցիների կազմում 48-րդ րոպեին աչքի ընկավ Էնդի Ռոբերտսոնը:

65-րդ րոպեին հյուրերը առաջ անցան հաշվի մեջ Թոմաս Սուչեկի ինքնագոլի շնորհիվ։ 77-րդ րոպեին Մայքլ Անտոնիոյի խփած գոլը տանտերերին ոչ-ոքի պարգևեց:

«Լիվերպուլը» (75 միավոր) շարունակում է մնալ Պրեմիեր լիգայի երրորդ տեղում՝ առաջատար «Արսենալին» զիջելով երկու միավորով, սակայն վերջիններս մեկ խաղ պակաս են անցկացրել։

«Վեսթ Հեմը» (49) մրցաշարային աղյուսակում ութերորդն է: