Узган ел «Төньяк - Көньяк» коридоры буенча 24 млн тонна йөк ташыганнар

Узган ел «Төньяк – Көньяк» халыкара транспорт коридоры буйлап 24 млн тонна йөк ташылган. Бу хакта KazanForum журналистларына РФ Хөкүмәте Рәисе урынбасары Виталий Савельев хәбәр итте.

«Төньяк-Көньяк» - әһәмиятле юнәлеш. Шунысы мөһим, хәзер ул үсеш кичерә. «Төньяк-Көньяк» коридоры 2000 елда хөкүмәтара килешүгә кул кую нәтиҗәсендә барлыкка килде. Документка 12 ил кул куйды. Хәзер Үзбәкстан коридорында катнашучы илләр коалициясенә кушылуга гариза бирдем», - дип белдерде ул.

Виталий Савельев сүзләренчә, әлеге транспорт коридоры өч маршрутка бүленгән. Россия-Иран юнәлешендәге Решт – Астара участогы буенча геологик эзләнүләр өчен җир кишәрлекләрен тапшыру турында килешү имзаланган. «Бу 162 чакрым озынлыктагы участокны төзүдә бик мөһим этап», - дип ассызыклады ул.

• «Россия – Ислам дөньясы: KazanForum» халыкара икътисади форумы Татарстан башкаласында 13-18 майда уза. KazanForum Татарстанда 2009 елдан башлап ел саен үткәрелә. Вакыйга 2023 елдан федераль статуска ия. Татарстан Рәисе Рөстәм Миңнеханов Россия Президенты Владимир Путин йөкләмәсе нигезендә «Россия – Ислам дөньясы» стратегик караш төркемен җитәкли.