Татарстанда М7 юлында мангал өчен күмер капчыклары төягән фурага ут капкан

Татарстанда фура кузовында мангал өчен агач күмере яна башлый. Янгын М7 трассасының 817нче километрында булган. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кузовтан төтенне шаһитлар күреп ала һәм машина йөртүчегә хәбәр итә. Шуннан соң капчыкларны бушаталар.

Янгын сүндерүчеләр 7 квадрат метр мәйданда янгынны сүндерә. Зыян күрүчеләр юк.