Быел Әлмәттә 3,5 меңнән артык укучысы өчен соңгы кыңгырау яңгыраячак

Уку елы тәмамланып килә һәм тиздән Әлмәтнең барлык мәктәпләрендә дә көтеп алынган соңгы кыңгырау яңгыраячак. Быел бу дулкынландыргыч мизгелне 24 майда Әлмәтнең 3,5 меңнән артык укучысы кичерәчәк. Бу хакта «Әлмәт таңнары» хәбәр итә.

Соңгы кыңгырау 11нче сыйныфның 852 укучысы һәм 9нчы сыйныфның 2669 укучысы өчен яңгыраячак. Гомумшәһәр чыгарылыш кичәсе 28 июньгә планлаштырылган. Калган укучылар өчен соңгы кыңгырау — җәйге каникулларның башы, алар вакытында балалар ял итәчәк һәм яңа уку елы өчен көч җыячак.