Май бәйрәмнәрендә Казанга 200 мең турист килгән

Татарстан башкаласына узган май бәйрәмнәрендә якынча 200 мең турист килгән. Бу хакта эшлекле дүшәмбедә Туризмны үстерү комитеты директоры Дарья Санникова хәбәр итте.

«Бу вакытта туристлар 1 млрд 190 млн сум акча тоткан», - дип ассызыклады Санникова.

Ул өстәп әйткәнчә, бу көннәрдә туристлар агымы 2024 ел белән чагыштырганда 7,7 процентка, ә аларның чыгымнары 10 проценттан артыкка үскән.