Миңнеханов ике районда хуҗалык җитәкчеләре белән чәчү эшләренең барышы турында сөйләште

Татарстан Рәисе Рөстәм Миңнеханов республиканың Югары Ослан һәм Яшел Үзән районнарында хуҗалык җитәкчеләре белән чәчү кампаниясенең барышы турында фикер алышты. Telegram-каналында ул эш сәфәренең нәтиҗәләре турында язган.

«Яшел Үзән һәм Югары Ослан районнарында булдык. Язгы кыр эшләренең барышы белән таныштык, берничә хуҗалыкны карадык», - дип искәртте ТР Рәисе.

«Барлык районнарда да чәчү эшләре бара. Хуҗалык җитәкчеләре белән очраштык. Язгы кыр эшләренең барышы турында фикер алыштык», – дип ачыклык кертте Миңнеханов.

Элегрәк ТР Рәисенең матбугат хезмәте җитәкчесе Лилия Галимова фотолар урнаштырган инде, анда Миңнеханов терлекчелек фермасы белән таныша.