Казанның Декабристлар урамында хатын-кызны машина бәрдереп үтергән

Казанның Декабристлар урамындагы 133нче йорт янында җәяүле хатын-кызны машина бәрдереп үтергән. Бу хакта «Татар-информ» агентлыгына шәһәр Дәүләт автоинспекциясендә хәбәр иттеләр.

Якынча мәгълүматлар буенча, хатын-кыз тиешсез урында юл аша чыккан.

«Хатын-кызның үлеме расланды. Экипаж юл-транспорт һәлакәтенең нечкәлекләрен ачыклый», - дип хәбәр иттеләр ведомствода.