Татарстан Авыл хуҗалыгы министрлыгы ветераннарны Бөек Җиңүнең 80 еллыгы белән котлады

Татарстан авыл хуҗалыгы һәм азык-төлек министрының беренче урынбасары Ленар Гарипов Бөек Ватан сугышы ветераннары Дилбәр Сибгатуллина һәм Хәмзә Шахминны Бөек Җиңүнең 80 еллыгы белән котлады. Моннан тыш, ул Дилбәр Сибгатуллинага «Татарстан Республикасы агросәнәгать комплексының мактаулы ветераны» күкрәк билгесен тапшырды. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

«Сезнең хезмәт батырлыкларыгыз - яшь буын аграрийларына үрнәк. Сезнең тырышлыгыгыз һәм тугрылыгыгыз нәтиҗәсендә республика кыска вакыт эчендә үзен азык-төлек белән тәэмин итә һәм бөтен илнең авыл хуҗалыгы үсешенә сизелерлек өлеш кертә алды. Без сезнең республикабыз чәчәк атуына керткән өлешегезне хәтерлибез һәм хөрмәт итәбез. Сезнең батырлыгыгыз, кыюлыгыгыз һәм фидакарь хезмәтегез өчен баш иябез», - диде Гарипов ветераннарга.

Быел Бөек Ватан сугышында Җиңүнең 80 еллыгы билгеләп үтелә. Моннан тыш, 2025 ел - Россиядә һәм Татарстанда Ватанны саклаучылар елы дип игълан ителде. Күптән түгел Татарстан Республикасы Рәисе Рөстәм Миңнеханов сугыш ветераннарына бүләкләр тапшырды. Ул билгеләп үткәнчә, Россиянең бүгенгесендә аларның һәркайсының өлеше зур.