Казан һәм Түбән Кама аэропортларында чикләүләр кертелү сәбәпле берничә рейс тоткарлана

Татарстан башкаласында һәм Түбән Кама аэропортларында вакытлыча чикләүләр кертелү сәбәпле берничә рейс тоткарлана.

Казан аэропортында Мәскәү, Усинск, Истанбул, Екатеринбург, Чиләбегә очучы самолетлар 1 сәгатьтән 4 сәгатькә кадәр тоткарлана. Мәскәү, Чиләбе, Дүшәнбе, Иркутск шәһәрләреннән килүче самолетлар Татарстан башкаласына планлаштырылганнан соңрак килеп җитәчәк.

Бегишево аэропортында Мәскәүгә очучы рейс өч сәгатькә тоткарлана. Моннан тыш, Россия башкаласыннан һәм Санкт-Петербургтан килүче самолетлар төшеп утыра алмый.

Исегезгә төшерик, БПЛА һөҗүме куркынычы сәбәпле бүген иртән Казан һәм Түбән Кама аэропортларында вакытлыча чикләүләр кертелде.