Дума депутаты россиялеләрнең кредит тарихы составы 9 майдан ничек үзгәрәчәген әйтте
9 майдан туган урыны турында мәгълүмат Россия гражданнарының кредит тарихыннан төшереп калдырылачак. Дәүләт Думасы депутаты Никита Чаплин NEWS.ru порталына биргән интервьюсында шулай дип белдерде.
Аның сүзләренчә, кредит тарихының яңартылган версиясендә фамилия, исем, әтисенең исеме, туган көне, паспорт мәгълүматлары, ИНН һәм СНИЛС кына калачак. Парламентарий аңлатканча, мондый үзгәреш кредит алу процедурасын гадиләштерү һәм банкларга мөрәҗәгать иткәндә гражданнар алдындагы киртәләрне киметүгә юнәлдерелгән.