26 апрельдә ике урында Тукай һәйкәленә чәчәкләр салу тантанасы узачак

26 апрельдә Казанда ике урында Тукай һәйкәленә чәчәкләр салу тантанасы узачак. Бу хакта ТР Язучылар берлеге матбугат хезмәте хәбәр итә.

09.30 сәгатьтә Муса Җәлил исемендәге Татар дәүләт опера һәм балет театры янында урнашкан Тукай һәйкәленә чәчәк салу тантанасы була.

Ә 11.00 сәгатьтә ТР Хөкүмәте вәкилләре, иҗади интеллигенция, киң җәмәгатьчелек һәм республика кунаклары әдипнең Тукай скверында урнашкан һәйкәленә чәчәкләр сала.