Апрель башыннан Казанда дүртенче температура рекорды куелды

Татарстан башкаласында язның икенче ае башыннан дүртенче тапкыр температура рекорды куелды. Бу хакта ТР Гидрометеорология үзәге хәбәр итә.

Кичә, 21 апрельдә, «Казан» метеостанциясендә термометр баганалары +25,0 градуска, ә «Казан-Аэропорт» авиация метеостанциясендә +25,8 градуска кадәр күтәрелде.

21 апрельдә Казанда температураның алдагы абсолют максимумы 13 ел элек, 2012 елда теркәлгән иде: ул вакытта ул +24,6 градуска җиткән иде.

Беренче апрельдә республика башкаласында 1983 елның температура рекорды, 2 апрельдә – 1951 нче елның, ә 20 апрельдә – 1995 нче елның температура рекорды куелды.