Актаныш хастаханәсенең рентген-кабинетына документларсыз эшләүне тыйганнар

Актаныш үзәк район хастаханәсенең рентген-кабинеты тиешле документларсыз эшләгән. Моннан тыш, хастаханәдә радиация контроле дә уздырылмаган. Бу хакта Татарстан буенча Роспотребнадзор Идарәсенең матбугат хезмәте хәбәр итә.

Нәтиҗәдә Чаллы территориаль бүлеге судка дәгъва җибәргән. Ведомство таләпләре канәгатьләндерелгән.

Суд дәвалау оешмасын санитар-эпидемиология белешмәсе алырга мәҗбүр иткән.