Мисырдан Казанга кайта торган рейс икенче тәүлек тоткарлана

AlMasria Universal Airlines авиакомпаниясенең Шарм-эль-Шейхтан Казанга кайта торган рейсы икенче тәүлек тоткарлана. Бу хакта Казан аэропортының онлайн-таблосындагы мәгълүматлардан күренә.

Самолет Казанга 16 апрельдә 00:20 сәгатьтә кайтып җитәргә тиеш булган. Әмма соңрак ике яңа вакыт игълан ителде: башта 02:20, соңыннан 14:20. Шуңа да карамастан, самолет кабат тоткарлана. Онлайн-таблодагы мәгълүматлар буенча, хәзер самолет 17 апрельдә, 12:15 сәгатьтә очып киләчәк дип күрсәтә.