Путин Миңнехановка төзелеш вазгыяте буенча җентекле доклад өчен рәхмәт әйтте

Россия Президенты Владимир Путин Татарстан Рәисе Рөстәм Миңнехановка Россия Дәүләт Советы Президиумы утырышында төзелеш вазгыяте буенча ясаган доклады өчен рәхмәт белдерде.

«Рөстәм Нургалиевич, мондый җентекле доклар өчен рәхмәт. Барлык сораулар комплексы буенча да чын-чынлап эшләгәнегез сизелеп тора. Алар гади түгел һәм Хөкүмәт тарафыннан, ә кайбер аспектларда Үзәк Банк тарафыннан аерым игътибар таләп итә. Аларны һичшиксез эшләргә кирәк булачак. Тулысынча килешәм», – дигән дәүләт башлыгы.

«Моңа җаваплы караганыгыз өчен рәхмәт», – дип өстәгән Владимир Путин.

Россия Дәүләт Советы президиумы утырышы Владимир өлкәсендә күптән түгел төзелгән Доброград шәһәрендә оештырылды. Аны видеоэлемтә аша Россия Президенты Владимир Путин уздырды. Татарстан Рәисе Рөстәм Миңнеханов бу чарада Дәүләт Советының «Яшәү өчен инфраструктура» илкүләм проектын гамәлгә ашыру өчен җаваплы комиссиясе җитәкчесе буларак катнашты.