«Татар-информ»да «Стоп, кода! Туй була!» спектакле премьерасы турында сөйләшәчәкләр

13 мартта, 11:00 сәгатьтә, «Татар-информ» агентлыгында Кәрим Тинчурин театрының «Стоп, кода! Туй була!» спектакле премьерасына багышланган матбугат конференциясе була.

Чарада К. Тинчурин исемендәге татар дәүләт драма һәм комедия театры директоры Фәнис Мөсәгыйтов, Россиянең атказанган, Татарстанның халык артисты, спектакльнең режиссеры Зөфәр Харисов, Татарстанның халык артисткасы Лилия Мәхмүтова, Татарстанның атказанган артисты Илфак Хафизов катнаша.

«Татар-информ» мәгълүмат агентлыгының татар сайтында матбугат конференциясенең онлайн-трансляциясе күрсәтеләчәк.