Михаил Мишустин Рөстәм Миңнехановны Ватанны саклаучылар көне белән котлады

РФ Премьер-министры Михаил Мишустин Татарстан Рәисе Рөстәм Миңнехановны Ватанны саклаучылар көне белән котлады.

«Бүген без Кораллы көчләребезнең бөек җиңүләрен, Ватаныбыз иреген һәм бәйсезлеген саклап калган батыр сугышчыларның хәрби батырлыкларын искә алабыз. Бу көнне Туган иленә тугры булган, үзен аямыйча илнең иминлеге һәм территориаль бөтенлеге сагында торган, Россиянең суверенитетын һәм куәтен ныгыткан, киләсе буыннарга матур киләчәк тәэмин иткән һәркемне аерым рәхмәт сүзләре белән хөрмәтлибез», – диелә котлау текстында.

Мишустин Миңнехановка уңышлар, сәламәтлек һәм иминлек теләде.