Миңнеханов Татарстан халкын Интернационалист сугышчыларны искә алу көне белән котлады
Татарстан Рәисе Рөстәм Миңнеханов телеграм-каналында республика халкын Интернационалист сугышчыларны искә алу көне белән котлады.
«15 февраль – Ватаннан читтә хезмәт бурычын үтәгән россиялеләрне искә алу көне. Бу дата – дөньяның төрле почмакларында Туган илнең мәнфәгатьләрен яклаган, намус һәм абруй белән Ватанга хезмәт иткән сугышчылар истәлегенә хөрмәт күрсәтү көне», - дип яза Татарстан лидеры.
Республика Рәисе шулай ук батырлык, бурычка тугрылык һәм какшамас рухи көче өчен сугышчыларга рәхмәт белдерде.
«Хәтерлибез, горурланабыз», – дип йомгаклады сүзен Рөстәм Миңнеханов.