Актанышның «Без бергә» гуманитар ярдәм фонды Россиянең Юстиция министрлыгында теркәлде

Махсус хәрби операция башланганнан соң Актанышның беренчеләрдән булып хәрбиләргә ярдәм итүче «Без бергә» гуманитар ярдәм фонды 2025 елның 23 гыйнварында Россия Юстиция министрлыгында рәсми рәвештә теркәлде, хәзер «Без бергә» коммерцияле булмаган оешма санала. Әлеге биеклек фондның мөмкинлекләрен тагы да киңәйтә. Бу хакта «Актаныш» сайтында Ләйсән Газизова хәбәр итә.

«Без бергә» гуманитар ярдәм фонды махсус операциядә катнашучы якташ хәрбиләренә ярдәм итүдә мөһим звенога әверелде. Ә фондның коммерцияле булмаган оешма булып Россия Федерациясенең Юстиция министрлыгында рәсми рәвештә теркәлүе аның мөмкинлекләрен тагы да киңәйтә.

Рәсми оешмага беренче хәрби ихтыяҗлар турында мәгълүмат килә башлаган. «Без бергә» фонды җитәкчесе Лилия Гикрамина батальон командирлары соравы буенча 16 февральдә Актаныштан китәчәк гуманитар ярдәм белән дроннар җибәрәчәк. Бу дроннар алгы сызыктагы катлаулы вазгыять шартларында дроннар аерым роль уйный, бу җайланмалар окопларда дошманнарга каршы көрәшүчеләргә туп-туры азык-төлек, су, гигиена кирәк-яраклары илтә торган функциягә ия. Шунысы кызык, мондый дроннар җитештерү белән Чаллы шәһәрендә «Батыр» батальонында махсус хәрби операция зонасыннан кайткан егетләр шөгыльләнә.

Тагын бер әһәмиятле фактор - «Без бергә» гуманитар ярдәм фонды коммерцияле булмаган оешма буларак, төрле дәрәҗәдәге - Россия Президенты, Татарстан Рәисе һәм башка төр дәүләт грант конкурсларында катнашу хокукы алды. Лилия Гикрамина сүзләренчә, грантларны уңышлы оту оешманың финанс хәлен ныгытырга һәм аның эшчәнлек масштабларын киңәйтергә мөмкинлек бирәчәк.

Фондның инде үз бухгалтериясе бар, ә халыктан җыелган акча «Ак Барс» банкында туплана. Якын арада «Саклык банкы»нда һәм «Альфа-банк»та счетлар ачу планлаштырыла. Барлык операцияләр дә үт күренмәле башкарыла: салымнар түләнә, ә акчалар командирларның, якташ хәрбиләрнең конкрет сорауларын үтәүгә, шул исәптән сугыш кирәк-яраклары, азык-төлек һәм башка кирәкле әйберләр әзерләүгә юнәлтелә.

«МЫ ВМЕСТЕ»- «БЕЗ БЕРГӘ» фондының реквизитлары

Расчетный счет:

40701810705970000006

ИНН:

1674011025

КПП:

167401001

Название Банка:

ПАО «АК БАРС» БАНК

БИК:

049205805

Кор. счет:

30101810000000000805

Номер карты 2200 5304 2056 8487

89600304102 Сбербанк Гикрамина Л. А