Прокуратура катнашыннан соң улы махсус операциядә булган ананың йортына газ кертелде

Саба районы прокуратурасы улы махсус хәрби операция катнашучы ананың мөрәҗәгате буенча тикшерү үткәрде. Прокуратура катнашыннан соң ананың йортына газ кертелде. Бу хакта https://saby-rt.ru/ сайтында хәбәр ителә.

Инвалидлыгы булган ана кеше йортына газ кертүдә ярдәм сорап күзәтчелек ведомствосына бара. Прокуратура катнашыннан соң гариза язучыга социаль яклау бүлеге аша йорт җире кишәрлеге эчендә газүткәргеч сузу һәм газ җиһазы алу белән бәйле чыгымнарны каплауга субсидия бирелә. Пенсионерның үтенече канәгатьләндерелә, гариза бирүченең йортына газ кертелә.