Гадәттән тыш хәлләрдән зыян күрүчеләргә финанс ярдәме күләмен индексацияләү тәкъдим ителә

Россия Гадәттән тыш хәлләр министрлыгы быел россиялеләргә, беренчел ихтыяҗ мөлкәтен һәм бер тапкыр түләнә торган пособиены югалту белән бәйле, бер мәртәбә түләнә торган матди һәм акчалата ярдәмне индексацияләү турында Россия Хөкүмәте карарлары проектларын әзерләде.

Шулай итеп, бер мәртәбә бирелә торган матди ярдәм 15 мең сум, милекне өлешчә югалтканда 75 мең, тулысынча югалтканда 150 мең тәшкил иткән;.

Һәлак булганнарның туганнарына түләүләр 1,5 млн сум була. Сәламәтлеккә зыян өчен авырлыкка карап 300 меңнән 600 меңгә кадәр түләнә. Быел әлеге түләүләрнең күләмен, инфляция дәрәҗәсен исәпкә алып, 9,5 процентка индексацияләү тәкъдим ителә. Бу хакта Россия гадәттән тыш хәлләр министрлыгы җитәкчесе Александр Куренков сөйләде.

Уңай карар кабул ителгән очракта, яңа түләүләр агымдагы елның 1 апреленнән үк исәпләнәчәк. Индексацияне ел саен үткәрү планлаштырыла.