Әлмәт волонтерлары снайперлар һәм разведчиклар өчен 600 костюм теккән

Әлмәттә «Ассоль» волонтерлык штабы эшен дәвам итә, ул 2022 елның ноябреннән башлап хәрбиләргә ярдәм итү өчен көн саен эшли. Волонтер-осталар көненә бер маскировка челтәре үрә, ләкин ашыгыч заказлар булганда күбрәк эшләргә тырышалар, дип яза «Татар-информ».

Челтәрләрнең зурлыгы стандарт - 3х6 метр, әмма кирәк булганда волонтерлар зур челтәрләр дә үрә. Мәсәлән, техниканы яшерү өчен. Бүгенге көндә алар 728 челтәр үргән, снайперлар һәм разведчиклар өчен 600дән артык костюм тегәргә өлгергән.

Штабта 25 волонтер, алар ике сменада эшли. Һәрбер челтәргә алар чиркәүдә изгеләндерелә торган махсус тасма үрә. Бу ритуал алар өчен аерым әһәмияткә ия: ул өметне, саклауны һәм бердәмлекне символлаштыра.

Волонтерлар хәрбиләр һәм аларның гаиләләре белән актив аралаша, бу аларга беренче чиратта нинди әйберләр кирәклеген аңлау өчен кирәк. Хәзерге вакытта алар даруханәләрдә рецептсыз сатып алырга мөмкин булган авыртуны баса торган уколлар сорый.

Осталар кызыклы факт белән уртаклашты - шәһәр паркының баш механигы махсус алар өчен материал кисә торган станок эшләгән, хәзер бу эшкә 5-10 минут вакыт китә. Әгәр волонтерлар элеккеге алымнарны куллануны дәвам итсә һәм кайчы белән кулдан киссәләр, бер кәтүк материалны кисү өчен берничә көн китәр иде.

Хәзер штаб кирәкле материаллар сатып алу өчен финанс ярдәменә бик мохтаҗ. Волонтерлар көн саен бик күп бурычны үти, әмма ресурслар җитәрлек булмаса, аларның мөмкинлекләре чикләнә.

Татарстан Рәисе Рөстәм Миңнеханов ТР Дәүләт Советына еллык Юлламасында волонтерларга махсус хәрби операциягә ярдәм итүдә мөһим өлеш керткән өчен рәхмәт белдерде. «Кешеләр моны ихлас күңелдән һәм чын йөрәктән, үз тирәсенә шундый ук битараф булмаган гражданнарны берләштереп, фикердәшләреннән командалар җыеп эшли», - дип билгеләп үтте республика җитәкчесе.

• 23 гыйнвардан Татарстанда Россия Саклану министрлыгы белән контракт төзүчеләргә 2,8 миллион сум акча түләнә. Акча күләме арту республикада түләүләр күтәрелүгә бәйле. Яңа түләү 2025 елның 1 апреленә кадәр гамәлдә була. Хәрбиләр махсус операция зонасында аена ким дигәндә 210 мең сум ала.
• Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була. Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә була: Казан, Аэропорт урамы, 1/40 йорт, тел.8(843)221-44-52. Шулай ук 8(800)222-59-00 номеры буенча шалтыратырга мөмкин.

Фото: ТР Әлмәт районы матбугат хезмәте