Казан метросының икенче линиясен төзүгә тагын 555,4 миллион сум бүлеп бирелде

Казан метросының икенче линиясенең беренче участогын төзүгә өстәмә 555,4 миллион сум бүлеп бирәчәкләр. Тендер дәүләт сатып алулары порталында урнаштырылган.

Әлеге акчалар Татарстан бюджетыннан бүлеп биреләчәк.

Объектта әзерлек һәм җир эшләре башкару планлаштырыла. Эшчеләр тимер юлның өске корылмасын, туннельләр һәм сәнгать корылмаларын төзү белән шөгыльләнәчәк. Эшләр 1 декабрьгә кадәр төгәлләнергә тиеш.

Казан метросының икенче линиясе Татарстан башкаласының биш районын колачлый. Ул 12 станциядән торачак. Беренче дүрт станцияне 2027 елда ачарга планлаштыралар.