Татарстанда җепшек кар һәм томан фаразлана

Чәршәмбе, 29 гыйнварда, Татарстанда кабат җепшек кар явачак. Аерым районнарда томан булырга мөмкин, диелә ТР Гидрометеорология һәм әйләнә-тирә мохитне күзәтү идарәсе фаразында.

Көндез һава температурасы 0..+3 градус тәшкил итәчәк.

Төньяк-көнбатыштан искән җил көньяк-көнбатышка күчә. Аның тизлеге секундына 4-9 метр тәшкил итә.

Юлларда шулай ук урыны белән көчле бозлавык барлыкка киләчәк.