Әлмәт студентлар лигасы рәисе «Ел студенты – 2024» республика премиясе лауреаты булды

Әлмәт шәһәре студентлар лигасы рәисе Жибек Айтбекова «Ел студенты – 2024» республика премиясе лауреаты булды. Ул республика премиясендә Әлмәт шәһәреннән бердәнбер вәкил иде. Бу хакта «Әлмәт таңнары» хәбәр итә.

Югары нефть мәктәбенең 4 курс студенты Жибек Айтбекова эшчәнлеге 1 курста башланган, ул тулай торак кампусының студентлар советы рәисе, 2 курста ул университетның студентлар советын җитәкләгән, ә хәзер ул «Әлмәт шәһәре Студентлар лигасы» рәисе булып тора.

«Ел җәмәгатьчесе» номинациясендә ул шәһәр студентларын, ә «Студентлар үзидарәсе органы» номинациясендә нефть югары мәктәбенең студентлар советын тәкъдим итте.

«Жибек премиягә әзерлекне җәй көне үк башлаган иде. Портфолио, тәкъдим хатларын җыйды, ул премиянең сайлап алу сынауларында үзен бик яхшы күрсәтте һәм финалга чыкты», диелгән хәбәрдә.