Олег Коробченко: Авыр нефтьне табу сәләте – Татарстанның өстенлеге

Татарстан нефтьчеләренең авыр нефтьне табу осталыгы республиканың конкурентлы өстенлеге булып тора. ТР сәнәгать һәм сәүдә министры Олег Коробченко «Татарстан 24» каналындагы «Галстуксыз интервью» программасында шулай дип белдерде.

«Авыр нефтьне чыгара алуыбыз – безнең өстенлек», - дип искәртте ТР вице-премьеры.

«Без хәзер дөньяның җиңел нефть булган башка төбәкләрендә квалификацияле нефтьчеләр хезмәтен тәкъдим итеп чит ил базарларына керә алабыз, әмма бүген нефтьне җиңел генә чыгарып булмый, шуңа күрә башка технологияләр кулланырга кирәк», - диде ул.

Коробченко шулай ук Татарстанның табылган нефтьнең 70 процентын эшкәртүен һәм 30 процентын сатуын, республикада нефтьне эшкәртү тирәнлеге артуын билгеләп үтте.