Татарстанда коммуналь инфраструктураны модернизацияләүгә 3 млрд сум тотылачак

Татарстанда 2025 елда коммуналь инфраструктураны модернизацияләүгә 3,1 млрд сум сарыф итәчәкләр. Акча республика бюджетында каралган. Бу хакта Татарстан Финанс министрлыгы хәбәр итә.

Министрлык мәгълүматлары буенча, гомуми суммадан 1,6 млрд сумнан бераз артыграгы «Территорияләрне үстерү фонды» гавами-хокукый компаниясе акчасы, ә якынча 1,5 млрд сум Татарстан бюджетыннан бирелә.

Коммуналь инфраструктураны модернизацияләү буенча барлык чаралар «Коммуналь инфраструктураны модернизацияләү» федераль проекты кысаларында гамәлгә ашырыла.