Миңнеханов һәм Главгосэкспертиза башлыгы төзелешкә комплекслы якын килү турында сөйләште

Татарстан Рәисе Рөстәм Миңнеханов бүген Россиянең Баш дәүләт экспертизасы җитәкчесе Игорь Манылов белән очрашты. Бу хакта республика җитәкчесе матбугат хезмәте хәбәр итә.

Республика Хөкүмәте Йортында Татарстан Рәисенең эш кабинетында узган әңгәмә барышында алар капиталь төзелеш объектларына дәүләт экспертизасын үткәргәндә үзара хезмәттәшлек мәсьәләләре турында фикер алышты.

Төзелеш процессларына комплекслы якын килүне дә кертеп, башка актуаль темалар да кузгатылды, диделәр матбугат хезмәтендә.

Очрашуда Татарстанның беренче вице-премьеры Рөстәм Нигъмәтуллин, Татарстан төзелеш, архитектура һәм торак-коммуналь хуҗалык министры Марат Айзатуллин һәм башка рәсми затлар катнашты.