Татарстан, Мәскәү һәм Питер белән беррәттән, тормыш сыйфаты буенча беренче өчлеккә кергән

Мәскәү, Санкт-Петербург һәм Татарстан тормыш сыйфаты буенча Россия субъектлары рейтингында беренче өчлеккә кергән. Топ исемлекне 2024 ел нәтиҗәләре буенча Стратегик инициативалар агентлыгы төзегән.

Тикшеренүчеләр билгеләп үткәнчә, рейтинг 140 сораштыру (400 меңгә якын граждан сораштырылган), статистик һәм геоаналитик күрсәткечләрдән тора, кеше тормышының аспектлары буенча тирәлекнең 10 элементы белән бүленгән (мисал өчен, «Медицина хезмәте күрсәтү», «Мәгариф һәм үсеш» һәм башка күрсәткечләр).

Аналитиклар шулай ук сораштыруда катнашучыларның 54 проценты соңгы өч елда үз төбәкләрендә яхшы якка үзгәрешләрне билгеләп үтте, дип өстәделәр. Чечня Республикасы, Төмән өлкәсе, Севастополь, Ямал-Ненец автономияле округы һәм Мәскәү халкы үз төбәкләренә аеруча тугры.

Тагын, рейтинг нәтиҗәләре буенча, 47 төбәк тормыш сыйфатын яхшырткан.

Беренче өчлеккә кергән шәһәрләрдән тыш, топ-10 рейтингка шулай ук Төмән өлкәсе, Ханты-Манси автономияле округы - Югра, Мәскәү, Сахалин, Тула, Түбән Новгород өлкәләре һәм Башкортстан Республикасы кергән.