Казанда подвал яшеренү урыннары саны 1,7 меңгә кадәр арткан

Казанда күпфатирлы йортларның подвалларында яшеренү урыннары саны 1,7 меңгә кадәр арткан. Бу былтыргы белән чагыштырганда 500 бинага күбрәк. Бу хакта Казан мэриясе хәбәр итә.

Хәзер подвал яшеренү урыннарыннан 1,7 миллионнан артык кеше файдалана ала, шәһәрдә 1,3 миллионнан артык кеше яши.

Гражданнарны яклау идарәсе җитәкчесе Сергей Чанкин билгеләп үткәнчә, 2022-2023 елларда инвентаризация үткәрелгән, нәтиҗәдә 2,5 меңнән артык яраклы бина ачыкланган. 2024 елның октябрь-ноябрендә үткәрелгән кабат тикшерү 1,2 мең яшеренү урыны булуын күрсәткән, ә бүген аларның саны 1,7 меңгә якын.

Хәзер алар җитәрлек булмаган микрорайоннарда яшеренү урыннарын баланслау буенча эш алып барыла. Моның өчен башка шәһәрләрнең тәҗрибәсе анализлана, шулай ук тиз төзелә торган яшеренү урыннарын куллану варианты карала.

Идарәче компанияләр яшеренү урыннарын тиешле хәлгә китерү эшен дәвам итә, подвалларны грунт суларыннан киптерәләр һәм тиешле ремонт эшләрен башкаралар.