Балтачның Бөрбаш авылында хоккей турниры батырларча һәлак булган хәрбигә багышланган

Балтачның Бөрбаш авылында яшүсмерләр арасында хоккей турниры узды. Ул махсус хәрби операциядә геройларча һәлак булган Расил Мөхетдинов истәлегенә багышланган. Бу хакта «Хезмәт» сайтында хәбәр ителә.

Турнирда 7 мәктәп - Бөрбаш, Норма, Смәел-Шеңшеңәр, Балтач мәктәпләре, Карадуган, Балтач гимназиясе, Салавыч күппрофильле лицеенан 93 укучы көч сынашты.

Ярыш нәтиҗәләре буенча, Карадуган гимназиясе 1 урын, Норма мәктәбе 2 урын, Салавыч күппрофильлле лицее 3 урын, Балтач мәктәбе 4 урын алган.

Раил Мәрдәнов (Норма мәктәбе) «Иң яхшы сакчы», Алмаз Гарифуллин (Салавыч күппрофильле лицее) «Иң яхшы капкачы», Алихан Гыйбадуллин (Карадуган гимназиясе) «Иң яхшы һөҗүмче» исеменә лаек булган.

«Батырларыбыз һәрвакыт безнең йөрәкләрдә! Расилның якыннарына сабырлык телибез», – диелгән хәбрәдә.