Галимҗан Гыйльманов Наҗар Нәҗми исемендәге премия белән бүләкләнде

Башкортстанның Дүртөйле районында мәшһүр татар-башкорт шагыйре Шәехзадә Бабичның тууына 130 ел тулуга багышланган тантаналы чаралар булып узды. Әлеге чараларда язучы, әдәбият белгече Галимҗан Гыйльманов катнашты. Бу хакта ТР Язучылар берлеге матбугат хезмәте хәбәр итә.

Тантаналы кичә кысаларында, Ш. Бабич турындагы хезмәтләре һәм Наҗар Нәҗмигә багышланган шигырьләр циклы өчен, Галимҗан Гыйльмановка Наҗар Нәҗми исемендәге премия бирелде.