Дәүләт автоинспекциясе көчле бозлавык вакытында юлда иминлек кагыйдәләрен искәртте

Юлларда бозлавык сәбәпле, Татарстан Дәүләт автоинспекциясе республика халкына иминлек кагыйдәләре турында искәртте.

Синоптиклар фаразлавынча, иртәгә Татарстан территориясендә томан көтелә, ә юлларда көчле бозлавык сакланачак.

Машина йөртүчеләргә куркыныч, бигрәк тә каршы як полосага чыгу белән бәйле маневрлардан тыелырга кирәк. Хәрәкәт тизлеге конкрет һава һәм юл шартларына туры килергә тиеш.