Татарстанда ихтыяҗ зур булган һөнәрләр исемлеген киңәйтәчәкләр

Татарстанда хезмәт базарында ихтыяҗ булган һөнәрләр һәм белгечлекләр исемлеге расланачак. Аңа һөнәри һәм өстәмә һөнәри белем бирүнең 165 юнәлешен кертү планлаштырыла, диелә ТР Хезмәт министрлыгы боерыгы проектында. Документ коррупциягә каршы экспертиза уза.

Чагыштыру өчен, бер ел элек кабул ителгән исемлектә 120 юнәлеш бар иде — 2025 елга караганда 45 кә кимрәк. Исемлеккә агроном, скважина бораулаучы, трамвай йөртүче, тәрбияче, гид-экскурсовод, матрос, программа белән идарә ителә торган станоклар операторы, укытучы, поездлар төзүче, логистика буенча белгеч һәм башкалар керде.

Исемлек ел саен төзелә. Аны формалаштыру республика предприятиеләренең кадрлар потенциалын тәэмин итү өчен кирәк.