Татарстанда якшәмбе буран һәм көчле җил көтелә

5 гыйнварда төнлә һәм көндез Татарстанда һава торышы начарланырга мөмкин.

Татарстан Гидрометеорология үзәге фаразлары буенча, республикада буран, җепшек кар, шулай ук көчле җил көтелә. Җилнең тизлеге секундына 15 метрга кадәр җитәчәк.

Һава торышы начарлану сәбәпле, юлларда кар көртләре барлыкка килергә мөмкин. Бозлавык фаразлана.

Синоптиклар сүзләренчә, һава шартлары начарлану Казанга да кагыла.