Актанышта өстәл теннисы буенча Яңа ел турниры була

Иртәгә, 4 гыйнварда, Актанышның «Батыр» спорт сараенда өстәл теннисы буенча Яңа ел турниры узачак. Бу хакта «Актаныш» сайтында Ләйсән Газизова хәбәр итә.

«Барлык спорт сөючеләрне әлеге турнирда катнашырга һәм спортчыларга көч биреп торырга чакырабыз. Ярышлар 10:00 сәгатьтә башлана. Бу үз сәләтеңне күрсәтү, яңа танышлар табу һәм Яңа елны позитив белән башлап җибәрү өчен искиткеч мөмкинлек», - диелгән хәбәрдә.