Чик сакчылары һәм волонтерлар Лениногорскида интернат-йортта булды

Лениногорскиның картлар һәм инвалидлар өчен интернат йортында волонтерлар очрашуы узды.

«С любовью и молитвами» командасын 2022 елдан бирле Эльмира Уламасова җитәкли. «Вместе мы сила» төркемен 2023 елдан аның кызы, картлар һәм инвалидлар өчен интернат-йортта шәфкать туташы булып эшләүче Элина Бәдретдинова җитәкли. Монда Бөгелмәдән, Әлмәттән, Чаллыдан, Лениногорскидан һәм хәтта Курскидан да пенсионерлар яши. Бу волонтерлар госпиталь һәм махсус операция хәрбиләре өчен мендәрләр ясый.

«Алар янына килми мөмкин түгел. Алар сиксәннән олырак, барысы да фронтка ярдәм итә», – дип сөйләде төркем җитәкчесе Эльмира Уламасова. Очрашуга запастагы чик сакчылары Алексей Варламов һәм Артем Сарбаев та чакырылган. Алексей «Чик сакчылары берләшмәсе»ндә тора, Артем әлеге берләшмәнең рәисе.

Курск өлкәсе кешеләре август аенда Курск интернат йортыннан Лениногорскига ничек килүләре, волонтерларның тату командасына кушылулары һәм махсус операция хәрбиләренә мендәрләр ясау турыда сөйләде. «Мин монда эләгүемә шат. Хәтта, улым хәрби булсын иде дип тә теләгән идем», - дигән 89 яшьлек Нина Фищенко.

Чик сакчылары волонтерларга эшләре өчен рәхмәт әйтте, грамоталар белән бүләкләде һәм тәм-томнар тапшырды. Хәрбиләр интернат-йортта еш кунак була һәм бервакытта да буш кул килмиләр. Камыр ризыклары, коймаклар, тәм-томнар, салат, хуш исле бәлеш. «С любовью и молитвами» командасы осталары интернат-йортта тәрбияләнүчеләр өчен шундый мул өстәл әзерләгән.

Чарада катнашкан волонтерлар һәм кунаклар кураторлары Элина Бәдретдинова әзерләгән видеохисап та карады. Кадрларда – иртәдән кичкә кадәр мендәрләр ясаган, маскировка челтәрләре үргән волонтерларның көндәлек хезмәте. Волонтерларны Тимәш балалар бакчасында тәрбияләнүчеләр дә котлады. Алар махсус операция хәрбиләренә хатлар яза, рәсемнәр ясап җибәрә.

Дәүләт Советына еллык Юлламасында Татарстан Рәисе Рөстәм Миңнеханов волонтерларга махсус операциягә ярдәм иткәннәре өчен рәхмәт әйтте. «Кешеләр моны ихлас һәм чын йөрәктән, үз тирәләренә шундый ук битараф булмаган кешеләрне берләштереп, фикердәшләренең тулы командасын туплап эшли», – диде республика җитәкчесе.

• 1 гыйнвардан Татарстанда Россия Оборона министрлыгы белән контракт төзүчеләр Татарстанда Россия Хәрби көчләренә хезмәт итүгә контракт төзегәндә 2,2 млн сум ала. Акча арту республикада түләүләрнең артуы белән бәйле.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.