Мәскәүдә «Татарча диктант»ны өч урында язып була

Мәскәүдә «Татарча диктант» акциясенә өч мәйданчыкта кушылып була. Бу хакта Татарстан Республикасының Россия Федерациясендәге Тулы вәкаләтле вәкиллеге телеграм-каналында хәбәр итәләр.

Диктант текстын татар теле укытучысы Альбина Вәлиева укый.

Башкалада акция Татарстан Республикасының Россия Федерациясендәге Тулы вәкаләтле вәкиллеге ярдәмендә уза.

Диктантны түбәндәге урыннарда язып була:

• 8 ноябрьдә 16:00 сәгатьтә – Каюм Насыйри институтында, (Белореченская урамы, 19 йорт, 2 корпус – Муса Җәлил исемендәге 1186 номерлы мәктәп бинасы, 223 кабинет);
• 10 ноябрьдә 10:30 сәгатьтә – Татар мәдәни үзәге (Кече татар тыкрыгы, 8 йорт), 306 кабинет;
• 10 ноябрьдә 18:00 сәгатьтә – Шиһабетдин Мәрҗани исемендәге «Ихсан» Ислам мәдәнияте һәм мәгарифе үзәге (Складочная урамы, 1 йорт, 15 бина, 3 подъезд, 2 кат).