Питрәч районында мохтаҗларга ярдәм итү буенча хәйрия акциясе узачак

8 һәм 9 ноябрьдә Питрәч районында супермаркетларда «Игелек кәрзине» хәйрия акциясе узачак. Бу хакта «Алга» газетасы яза.

Мохтаҗ кешеләргә тапшыру өчен тәм-томнар, кипкән җиләк-җимеш, балалар ризыгы, гигиена чаралары сатып алырга мөмкин.

Хәйрия акциясе Питрәч авылы, Казанская урамы, 15 нче йорт; Яңа Шигали авылы («Царево» торак комплексы), Г. Тукай урамы, 2 А адреслары буенча урнашкан кибетләрдә узачак, диелә хәбәрдә.