Татар яшьләре форумы һәм «Миллиард.Татар» актив татар яшьләре өчен тавыш бирергә чакыра

Бөтендөнья татар яшьләре форумы «Миллиард.Татар» порталы белән берлектә яшьләр арасыннан иң актив татар кызын яисә егетен сайларга тәкъдим итә.

Теләге булган һәркем үзенә ошаган кандидат өчен тавыш бирә ала.

Шорт-листка программист Тимур Чиняев, IT-белгеч Сәйдәш Мифтахов, SkyTat татар теле онлайн-мәктәбенә нигез салучыларның берсе Данил Идиятуллин, Салих Сәйдәшев музее директоры Айдар Әхмәдиев, «Мәскәү татарлары штабы» координаторы Гөлнара Яруллина, дирижер Айдар Ниязов, рәссам Гүзәл Хәйбуллова, Татар әдәбияты тарихы музее һәм Шәриф Камал мемориаль фатиры мөдире Айдар Шәйхин, архитектор Җәмилә Хөснетдинова һәм татар активисты Йосыф Шәңгәрәев кергән.