Казанда югалган олы яшьтәге ир-атны инде ике тәүлек эзлиләр

Казанда 60 яшьлек ир-атны эзлиләр, ул 16 октябрьдә өеннән чыгып киткән һәм шуннан бирле кайтмаган. Аның кайда икәнлеге билгесез. Туганнары «Сафиуллин» полиция бүлегенә гариза тапшырган.

Андрей Щербаковның буе 180 сантиметр, ябык гәүдәле, чал кергән кара чәчле. Ир-атның корсагында яра эзе бар. Туганнары аның деменциядән интегүен әйтте.

Өеннән чыгып киткәндә кара куртка, зәңгәр джинс чалбар, аягына кара төстәге ярым ботинка кигән. Фатир ачкычын һәм паспортын өендә калдырган.