Путин: БРИКС дөнья икътисадында сизелерлек роль уйный

БРИКС дөнья икътисадында сизелерлек роль уйный, ул үсәчәк кенә. Бу хакта Россия Президенты Владимир Путин белдерде.

«БРИКС глобаль икътисадта бүген дә сизелерлек роль уйный инде, ә бу рольнең иртәгәге көндә тагын да күтәреләчәге бик ачык», - диде дәүләт башлыгы БРИКС эшлекле форумында.

БРИКС – халыкара берләшмә, аңа 10 ил керә. Оешма дәүләтләре өлешенә дөньядагы коры җирнең өчтән бере һәм планета халкының яртысы туры килә.

Элегрәк хәбәр ителгәнчә, дөнья сәүдәсендә БРИКС илләренең өлеше 2006 елдан 1,5 тапкырга диярлек арткан.