Тукай клубында «Хәзерге заман татар хикәяләре антологиясе» китабын тәкъдим итәчәкләр

18 октябрьдә Казанда нәшер ителгән «Хәзерге заман казах шигърияте антологиясе» һәм Алматыда чыккан «Хәзерге заман татар хикәяләре антологиясе» җыентыкларын тәкъдим итү була.

Чара Татарстан Язучылар берлегенең Тукай клубында 11.00 сәгатьтә башлана. Анда Казахстанның Татарстандагы консулы Ерлан Исхаков, Алматыдан килгән тәрҗемәчеләр Сәят Камшыгер, Гөлнур Кыранбайлар да катнаша. Очрашу «Алпар» фольклор ансамбленең чыгышлары белән үрелеп барачак, дип хәбәр итә ТР Язучылар берлеге матбугат хезмәте.